Психологиялық денсаулық апталығы басталды

Психологиялық денсаулық апталығы басталды* 

    Шымкент қаласы А.П.Чехов атындағы N21жалпы орта білім беретін мектебінің педагог-психологі З.Касимова

23–27 ақпан 2026 жыл аралығында «Психологиялық денсаулық апталығы» жарияланды. Апталықтың негізгі мақсаты – білім беру үдерісіне қатысушылардың психологиялық денсаулығын сақтау, нығайту және жағымды эмоционалдық орта қалыптастыру. Апталық аясында 5–6 сынып оқушылары арасында  Аталған шара оқушылардың көңіл күйін көтеріп қана қоймай, олардың ішкі жан дүниесін түсінуге, эмоцияларын дұрыс білдіруге және қиындықтарды жеңе білу дағдыларын дамытуға бағытталды.

 Іс-шара барысында:

 «Менің көңіл күйімнің түсі» жаттығуы арқылы оқушылар өз эмоцияларын түстер арқылы жеткізіп, көңіл күйін анықтады;

 «Мен қиындықтарды қалай жеңемін*»  тренингінде өмірлік кедергілерді жеңудің тиімді жолдарын талқылады;

 «Түсіріп алма!» ойыны арқылы сенім, шапшаңдық және топтық бірлік дағдылары қалыптастырылды.

Апталық барысында өткізілген жұмыстар оқушылар арасында достық қарым-қатынасты нығайтып, өзара қолдау көрсету мәдениетін дамытуға ықпал етті. Балалардың белсенділігі мен көтеріңкі көңіл күйі психологиялық денсаулықтың маңызды екендігін тағы бір мәрте дәлелдеді.

 Психологиялық денсаулық — табысты білім алудың және тұлғалық дамудың берік негізі. Апталық алдағы күндері де қызықты тренингтер мен пайдалы іс-шараларға жалғасады.