Ата Заңға енгізілген негізгі өзгерістер мен толықтырулар

Шымкент қаласы білім басқармасына қарасты  А.П.Чехов атындағы №21 жалпы орта білім беретін мектебінде   Жаңа Конституция талқыланды

Еліміздің саяси өміріндегі тарихи белес – 15 наурызда бүкілхалықтық референдум негізінде қабылданған Қазақстан Республикасының Жаңа Конституциясын түсіндіру мақсатында мектебімізде маңызды іс-шара өтті.

9-11 сынып оқушылары арасында ұйымдастырылған танымдық жиында Ата Заңға енгізілген негізгі өзгерістер мен толықтырулар кеңінен талқыланды.

Шараның негізгі мақсаты:

 Жоғары сынып оқушыларының құқықтық сауаттылығын арттыру;

 Жаңарған Конституцияның мемлекеттілік пен демократияны нығайтудағы рөлін түсіндіру;

 Өскелең ұрпақтың бойында отансүйгіштік пен азаматтық жауапкершілікті қалыптастыру.

Талқылау барысында оқушылар адам құқықтарын қорғау, билік тармақтарының тепе-теңдігі және халықтың басқару ісіне қатысу мүмкіндіктері туралы өз ойларын ортаға салды. Мектеп әкімшілігі мен тарих пәнінің мұғалімдері Жаңа Конституцияның Әділетті Қазақстан құру жолындағы маңыздылығына тоқталып, жастарды ел болашағына бей-жай қарамауға шақырды.

Біздің мектептің оқушылары – еліміздің ертеңі, сондықтан осындай маңызды саяси қадамдарды зерделеу олардың тұлға ретінде қалыптасуына үлкен септігін тигізеді.