«Біз біргеміз» атты бірлікке, ынтымақтастыққа бағытталған тренинг

 Психологиялық жұмыс

       13.11-14.11.2025ж

 Шымкент қаласы А. П. Чехов атындағы №21 жалпы орта білім беретін мектебінің педагог-психологі З.Касимова 4-сынып оқушыларымен жоспар бойынша 

  «Біз біргеміз» атты бірлікке, ынтымақтастыққа бағытталған тренинг өткізді. Тренингтің мақсаты — балалардың өзара түсіністігін арттыру, бір-бірін тыңдай білуге, қолдау көрсетуге үйрету.

 Ойындар мен жұптық жұмыстар арқылы оқушылар командалық жұмыс жасауды тәжірибеден өткізді.

 Әр бала өз сыныбындағы орнын, ұжымдағы рөлін сезіне алды.

 Қарым-қатынас дағдылары мен өз-өзін ашу қабілеттері дамытылды.

Сабақ соңында балалар С.Кауфманның “Отбасының кинетикалық суреті” әдістемесі негізінде отбасы мүшелерін әрекет үстінде бейнелеп сурет салды. Бұл әдіс баланың отбасындағы эмоционалдық байланысын, өз орнын қалай сезінетінін анықтауға мүмкіндік береді.

 Оқушылар өз жұмыстарын қызығушылықпен орындап, жылы атмосферада күні бойы жағымды эмоциялармен бөлісті.