«Табиғат – Абай әлемінде»

Шымкент қаласы Білім басқармасына қарасты А.П.Чехов атындағы №21 жалпы орта білім беретін мектебінің 8 «Ә» сынып арасында «Табиғат – Абай әлемінде» атты сурет салу байқауы өтті. Оқушылардың жұмыстары арқылы Абайдың терең философиясы мен табиғаттың көркем сұлулығы нәзік үйлесім тапты. Әрбір суретте ақынның жан дүниесі, табиғатқа деген ілтипаты мен адамзатқа арнаған ой-толғаныстары ерекше көркемдікпен ашылды. Балалардың қиялы мен ізденісі, бояу үйлесімдерін таңдау шеберлігі, тақырыпты түсіну деңгейі өте жақсы көрінді. Байқау шығармашылыққа жетелеп қана қоймай, Абай мұрасын жаңа қырынан тануға мүмкіндік берді. Осындай мазмұнды іс-шаралар жас ұрпақтың рухани дамуына, өнерге деген қызығушылығын арттыруға үлкен үлес қосады.