ҚҰРМЕТТІ АТА-АНАЛАР!

Шымкент қаласы білім басқармасының 06.05.2025 жылғы №265 н/қ бұйрығы негізінде А.П.Чехов атындағы №21 жалпы орта білім беретін мектебі 2024-2025 оқу жылының аяқталуы, қорытынды аттестаттауды және басқа да мектепішілік іс-шараларды өткізуге байланысты төмендегілерге ҚАТАҢ ТҮРДЕ ТЫЙЫМ САЛАДЫ:

- 4,9 және 11-сынып оқушыларынан мектеп қажеттіліктеріне ақша жинауға;

- Аниматорларды, әртістерді шақыруға;

- Мұғалімдерге және мектеп әкімшілігіне сыйлық беруге;

- Мектептің ішкі жөндеу жұмыстарына ақша жинауға;

- Мейрамханаларға баруға, ойын-сауық орталықтары мен саябақтарға баруға және автокөлік шеруін ұйымдастыруға;

- Сыныпта дастархан жаюға және ата-аналардан қосымша ақша жинауға.

ҚАТАҢ САҚТАЛУ ҚАЖЕТ:

- Оқушыларды қауіпсіздік шараларымен мұқият таныстыру;

- “2024-2025 оқу жылының аяқталуы” салтанатты іс-шарасына тек бір ғана заңды өкілін қатыстыру;

- Педагогикалық әдеп, әділдік пен жауапкершілік қағидаларын сақтау;

- Сыбайлас жемқорлыққа қарсы күресу.

ҚҰРМЕТТІ АТА-АНАЛАР!

Оқушылардың қауіпсіздігін сақтау, олар үшін тәрбиелік мәні мен маңызы зор, есте қаларлық мектеп өмірін сыйлау - біздің басты мақсатымыз! Сондықтан осы талаптарды сіздермен бірге бірлесе отырып орындайық, өзара сенімді орта қалыптастырайық!

Сұрақтарыңыз болса, 8 776 330 9076 нөмірі арқылы қоя аласыздар.

А.П.Чехов атындағы №21 жалпы орта білім беретін мектеп директоры: Рахымбаева Катира Джумакуловна