"ЗАМАНАУИ ИНТЕРНЕТ АЛАЯҚТАРДЫҢ АЛДЫН АЛУ"

"ЗАМАНАУИ ИНТЕРНЕТ АЛАЯҚТАРДЫҢ АЛДЫН АЛУ" ТАҚЫРЫБЫНДА ШЫМКЕНТ ҚАЛАСЫ БІЛІМ БАСҚАРМАНЫҢ БАС МАМАНЫ ТҮСІНДІРМЕЛІ ЖҰМЫС ЖҮРГІЗДІ

 2024 жылдың 05 сәуір күні  А.П.Чехов атындағы                   №21 жалпы орта білім беретін мектебінде Шымкент қаласы білім басқарманың бас маманы  Жанадилов Талғат Оразбекұлы "ЗАМАНАУИ ИНТЕРНЕТ АЛАЯҚТАРДЫҢ АЛДЫН АЛУ" тақырыбында Шымкент қаласы прокуратурасының тапсырмасына сәйкес, ата-аналарға, ұстаздар мен оқушыларға профилактикалық түсіндірме жұмысын жүргізді.

Қала прокуратурасы мен Ішкі істер департаментінің арнайы бірлескен бейнеролигі көрсетілді. Көп жағдайда «телефон алаяқтары» азаматтарға несиені заңсыз ресімдеу әрекеттері туралы хабарлайды және күмәнді операцияны жою сылтауымен банк карталарының деректемелерін анықтайды немесе олар көрсеткен есеп айырысу шоттарына ақша аударуға сендіреді, бұл әрекеттер ҚР Қылмыстық кодексінің 190 – бабында көзделген қылмыс белгілеріне жататынын түсіндірді.

Сонымен қатар, sms хабарламалар арқылы келіп түсетін дербес деректер мен кодтарды, телефонға бағдарламалар орнатуды, сондай-ақ жеке сипаттағы өзге де мәліметтерді хабарлауға болмайтыны оқушыларға, ұстаздарға және ата-аналарға түсіндірілді. Мұндай телефон қоңыраулар түскен кезде сөйлесуді дереу тоқтатып, полицияға хабарлау керек екенін ескертілді.