"МЕКТЕБІМ-МЕЙІРІМ МЕКЕНІ"

1 – қыркүйек Білім күніне арналған «Мектебім — мейірім мекені» атты салтанатты іс-шара болып өтті. 

Салтанатты іс-шарада мектеп директоры Рахымбаева  Қатира  Жұмағұлқызы мектеп шәкірттері мен ұстаздарға мерейі үстем жыл болуына, мектеп табалдырығын алғаш аттағалы отырған бүлдіршіндер мен 11 сынып оқушыларына биылғы оқу жылында білімнің асқақ шыңына  көтеріліп, мол табыстар мен ізденістерге жете берулеріне тілек білдіріп, жаңа оқу жылына сәттілік тіледі. Мерекелік жиын мектеп оқушыларының концерттік бағдарламасымен жалғасын тауып, жаңа 2023-2024 оқу жылының алғашқы қоңырауы да соғылды. Салтанатты жиынның соңы 1-11 сынып оқушыларына білімге ұмтылу, отаншылдық, еңбексүйгіштік құндылықтарының адам өміріндегі рөлін талқылау мақсатында «Мектебім — мейірім мекені» тақырыбында республикалық  сынып сағаттарымен жалғасын тапты.